Fuercies Armaes de Francia

Fuercies Armaes de Francia Forces armées françaises
Cuerpos	Exércitu de tierra  Marina Nacional  Fuercies Aérees  Xendarmería Nacional Guardia Nacional
Gastos
% PIB	2.6% (2005)

Les Fuercies Armaes de Francia (en francés: Forces armées françaises) entienden l'Exércitu de tierra, la Marina Nacional, les Fuercies Aérees y la Xendarmería Nacional de Francia. El Presidente de la República ye'l Comandante en Xefe de tolos exércitos, col títulu de "chef des armées", ye tamién l'autoridá suprema n'asuntos militares y l'únicu oficial que puede ordenar un ataque nuclear. L'exércitu francés tien, como dalgunos de los sos principales oxetivos, la defensa del territoriu nacional, la proteición de los intereses franceses nel estranxeru, y el caltenimientu de la estabilidá mundial.

Con una fuercia personal de 779.450 persones en 2006 (259.050 fuercia regular,^[1] 419.000 de reserva regular,^[2] y 101.400 de fuercies de Xendarmería),^[3] les fuercies armaes franceses constitúin l'exércitu más grande de la Xunión Europea y el 13º mayor de tol mundu por númberu de tropes. Les Fuercies Armaes de Francia tienen amás el 3º gastu militar más eleváu del mundu,^[4] según la 3ª fuercia nuclear militar más grande del mundu, namái por detrás d'Estaos Xuníos y Rusia.

1. ↑ CSIS «"French Armed Forces, CSIS (Páxina 32)" Archiváu 2009-09-11 en Wayback Machine»
2. ↑ CSIS «"French Armed Forces, CSIS (Páxina 112)" Archiváu 2009-09-11 en Wayback Machine»
3. ↑ Tiscali «Hutchinson country facts»
4. ↑ SIPRI «Military expenditure data, 1999–2008»